As intervencións arqueolóxicas

Habería que agardar ao s. XXI para reverter o abandono da Rocha Forte. A asociación veciñal turrou para que as institucións iniciasen a recuperación e posta en valor das ruínas do castelo.

O primeiro paso foi a publicación dun excelente libro por parte dun equipo de medievalistas da Universidade de Santiago de Compostela. O seguinte chanzo foron sucesivas campañas de escavación arqueolóxica, dende o ano 2002, grazas a convenios entre a USC, o Concello e o Consorcio da Cidade.

Agora, nesta nova fase iniciada en 2013, a ciencia, a administración e a comunidade local conseguiron que esta paisaxe ausente da Rocha Forte fose unha presenza ao servizo da cidadanía que quere coñecer o seu pasado.

Se queres saber máis sobre algunha das intervencións, podes consultar a sección O proxecto e acceder a toda a documentación do arquivo técnico.